Vegetarian Diets - આહારમાં પૂરતા પ્રમાણમાં

તાજેતરમાં કરાયેલા એક અભ્યાસ મુજબ એ બાબત સાબિત થઈ છે કે જો યોગ્ય પ્રમાણમાં લીલા શાકભાજીનો ઊપયોગ કરવામાં આવે તો પણ વ્યકિત સંપૂર્ણપણે ફીટ રહી શકે છે.

શરીરને સ્વસ્થ રાખવામાં શાકભાજી ખૂબ મહત્વની ભૂમિકા ધરાવે છે. વટાણા, ગાજર અને પાલક જેવી શાકભાજી આપણા શરીર માટે ખૂબ જ ઊપયોગી છે.

ઘણીવાર એવું જોવા મળતું હોય છે કે કેટલાંક લોકો ગમ તેટલું જમે તો પણ તેની અસર દેખાતી નથી જયારે કેટલાક લોકો એવા હોય છે જે ખૂબ જ ઓછું જમતા હોવા છતાં ખૂબ સ્વસ્થ રહે છે. હકીકતમાં એ બધી બાબતો આહાર પર આધાર રાખે છે.

તમા જમવામાં કઈ ચીજ વસ્તુઓનો ઊપયોગ કરો છો તે ખૂબ જ મહત્વપૂર્ણ હોય છે. સામાન્ય રીતે લોકોને એ બાબતની માહિતી નથી હોતી કે તેમના શરીર માટે કઈ ચીજ ફાયદાકારક ને કઈ ચીજ નુકશાનકારક હોય છે.આ
બાબતની પૂરતી મહિતી ના હોવાના કારણે લોકો જમવામાં કોઈપણ ચીજનો ઊપયોગ કરતા હોય છે અને જેના પરિણામ સ્વરુપે જોઈએ તેટલા સ્વસ્થ રહી શકતા નથી.

વટાણાને કારણે કોઈ શાકનો સ્વાદ તો વધે જ છે એ ઊપરાંત તેમાં પ્રોટીનનું પ્રમાણ પણ ઘણું જોવા મળે છે.
ગાજરમાં પણ વિટામીન મોટા પ્રમાણમાં હોય છે. જો આ ચીજ પસંદ ના હોય તો બીજી ઘણી એવી ચીજો હોય છે કે જેમાં વિટામીન પૂરતા પ્રમાણમાં હોય. એની જગ્યાએ મેથીનો ઊપયોગ કરી શકાય.

કોલેસ્ટ્રોલ ઘટાડવામાં પણ મેથી મહત્વની ભૂમિકા ભજવે છે. મેથી ડાઈજેશનમાં પણ ચાવીરુપ ભૂમિકા અદા કરે છે. પેટના ઈન્ફેકશન, માઊથ અલ્સર ને ડાયાબિટીસ જેવી તકલીફોમાં પણ મેથી ખૂબ અસરકારક સાબિત થતી હોય છે.

ગર્ભાવસ્થા દરમ્યાન તે બાળકને માતા બંને માટે અસરકારક હોય છે. ડુંગળીમાં પણ વિટામિન સી ઘણા પ્રમાણમાં હોય છે. જો કોઈ કારણસર ડુંગળી ના ખાતા હોવ તો તેની જગ્યાએ વ્હીટ બ્રેડ, બ્રાઊન રાઈસનો ઊપયોગ કરી શકાય છે.

આ તમામ ચીજો ફાઈબર્સથી ભરપૂર રહે છે. વિટામીન સી મેળવવા માટે ટામેટા, લબુ, આમળા, સંતરા, કેબેજ વગેરેનો ઊપયોગ કરી શકાય. પાલકમાં ફાઈબર ને પોટેશિયમનું પ્રમાણ વધુ જોવા મળે છે. અને સૌથી સારી બાબત એ છે કે પાલકની કમત પણ અન્ય શાકભાજીના પ્રમાણમાં ઓછી હોય છે.

તેના વિકલ્પ તરીકે ફુલાવરનો ઊપયોગ કરી શકાય. આપના આહારમાં લીલા શાકભાજીનો પૂરતા પ્રમાણમાં
ઊપયોગ કરો અને આપનું સ્વાસ્થ્ય જાળવી રાખો !

Surya Namaskar Health Benefits - સીધી અસર સમગ્ર નાડી તંત્ર ઊપર પડે છે

સ્ત્રીઓમાં થતી સાંધાની તકલીફ બ્લડ પ્રેશરની સમસ્યાઓ હોય તેવા લોકો માટે સૂર્ય નમસ્કાર સુયોગ્ય ઊપચાર.

આજના પ્રગતિશીલ યુગમાં આપણા સૌની જીવનશૈલી પણ સતત પ્રગતિ મેળવવાની પાછળ દોડતી રહે છે એટલે કે આજે એ સમય રહ્યો નથી જેમાં માણસને પોતાની પાસે જે હોય તેનાથી સંતોષ હોય કેમકે વધતી જતી માઘવારી, પરિવારની જવાબદારી અને બીજા અન્ય એવા ઘણા કાર્ય હોય છે જેની પાછળ વ્યકિત સતત રચ્યો પચ્યો રહે છે.

આવા સમયે માણસ પોતના માટે સમય ફાળવી શકતો નથી જેમાં પોતાના સ્વાસ્થ્યની કાળજી અંગે ઘણો બેદરકાર બની જાય છે.

આજના સમયમાં લોકો આધુનિક સુવિધાને વળગીને રહે છે અને તેની અસર સ્વાસ્થ્ય પર પડે છે, આવા સમયે શરીરમાં કુદરતી શકિત પ્રદાન કરનાર સૂર્યનમસ્કાર સિવાય અન્ય કોઈ ઊપાય શાસ્ત્રોમાં મળ્યો નથી. શાસ્ત્રોમાં પ્રાચીનકાળથી સૂર્યનું મહત્વ ખુબ વર્ણવ્યું છે, આજે પણ વૈજ્ઞાનિક દ્રષ્ટિએ સૂર્યનું મહત્વ પ્રાણીમાત્રના જીવન માટે
અદભુત રહ્યુ છે. સાષ્ટિમાં જે કાંઈ ઊત્પતિ છે તે સૂર્યને લીધે છે. સંપૂર્ણ જગત સૂર્યને આધારે છે. આજે લોકો આધુનિક ઊપકપરણો દ્વારા કસરત કરે છે પરંતુ તેનાથી શરીરની માંસપેશીઓ મજબૂત બનશે પણ આંતરિક મનની નબળાઈ સૂર્યનમસ્કારથી જ દૂર થઈ શકે છે. સૂર્યનમસ્કારની અસર સમગ્ર નાડી તંત્ર પર પડે છે. હાલ ગરમીનો સમય ચાલે છે, ત્યારે વહેલી સવારનો જ સમય યોગ્ય રહે છે કેમકે સૂર્ય ઊગે ત્યારે તેના સીધા કિરણોની અસર શરીરમાં સીધી થાય છે. દિવસ દરમ્યાનનો તડકો સ્વાસ્થય માટે હિતકારી નથી. શરીરમાં જુદાજુદા હોર્મોન્સ જેમાંથી સ્ત્રાવ થાય છે, જેને ગ્રંથીઓ કહે છે, અંતઃ સ્ત્રાવી ગ્રંથિઓ એટલે કે ઈન્ડોક્રાઈન ગ્લેન્ડ અત્યંત આધુનિક વૈજ્ઞાનિક શોધ મુજબ શરીરનું સંચાલન આ ગ્રંથિઓમાંથી વહેતા સ્ત્રાવને લીધે થાય છે.

આ તમામ ગ્રંથિઓ પર મુખ્ય નિયંત્રણ પિચ્યુરટી ગ્લેન્ડનું છે, જે મસ્તકના અગ્રભાગમાં આવેલ છે, જેનો વિકાસ
સૂર્યનમસ્કારથી થાય છે. જેનો સીધો પ્રભાવ મસ્તકમાં રહેલા શકિત કેમ્પ્રોને જાગાત કરે છે.

Diabetes Patients In India - આંખની તકલીફ

સામાન્ય દર્દીની સરખામણીમાં ડાયાબિટીસના દર્દીઆને આંખની તકલીફ વધારે પરેશાન કરે છે ને વિઝન લોસની સંભાવના પણ વધુ રહે છે.

જાણકાર નિષ્ણાંતોના કહેવા પ્રમાણે લાઈફ સ્ટાઈલને યોગ્ય રીતે જાળવવામાં આવે ને બેલેન્સ્ડ ડાયેટ લેવામાં આવે તો આનાથી સરળતાથી બચી શકાય છે.

ડાયાબિટીસ એક એવી બિમારી છે કે જેમાં બોડી સુગરને યોગ્ય રીતે યુઝ ને સ્ટોર નથી કરી શકતી. એવી સ્થિતિમાં બ્લડ સુગર લેવલ ખૂબ વધી જાય છે.આનાથી આંખ, કિડની, હાર્ટ ને નર્વ્સ પર નકારાત્મક અસર પડે છે.

ભારતમાં સુગરના દર્દીઓની સંખ્યા ઘણી વધારે છે. પરિણામ સ્વરુપે દુનિયાના ડાયાબિટીક કેપિટલ તરીકે ભારતને ગણવામાં આવે છે. આટલી મોટી સંખ્યામાં લોકોને ડાયાબિટીસ થવા માટે ઘણા કારણો જવાબદાર છે.

જમવાની ટેવમાં થયેલા ફેરફાર, બગડી રહેલી લાઈફ સ્ટાઈલ અને સ્ટ્રેસ જેવા કારણો જવાબદાર ગણી શકાય.
શરીરમાં વધારે સુગરની હાજરી શરીરના દરેક અંગ પર અસર કરે છે. આની આવી સ્થિતિમાં ખાસ કરીને આંખ ઊપર ખરાબ અસર થઈ શકે છે. ડાયાબિટીસને લીધે વિઝન સમસ્યા ડબલ વિઝન ને વિઝન લોસ ઊપરાંત આંખમાં દુઃખાવાની પણ ફરિયાદ રહે છે. રેગ્યુલર ચેકઅપ જરુરી બની જાય છે. વહેલી તકે સારવાર કરવામાં આવે તેવી સલાહ તબીબો આપે છે.બ્લડ સુગર ઘટી જવા કે વધી જવાથી આંખની નોર્મલ લેન્સમાં સોજા
નજરે પડે છે જેના લીધે ચશ્માના નંબર ઝડપથી બદલાય છે.આ ઊપરાંત દર્દીને કેટેરેકટની સમસ્યા ઉભી થાય છે.

કેટેરેકટની સારવાર સર્જરી દ્વારા થઈ શકે છે. નવી ટેકનોલોજી ના ઊપયોગથી આ સર્જરી સરળ બની ગઈ છે. ડાયાબિટીસના દર્દી માટે મોટી સમસ્યા રેટિનામાં થનાર સમસ્યા રહે છે. રેટિનાના બ્લડ વેસલ્સમાં તકલીફ આવે
છે.અનેક વખત બ્લીડગ સમસ્યા જોવા મળે છે.

જેથી આંખો પર સોજા આવે છે. આવા કિસ્સામાં સમસ્યા અનેકગણી વધી જાય છે. બ્લડ સુગર લેવલ ને બ્લડપ્રેશરને અંકુશમાં રાખવા ખૂબ જરુરી છે. રેગ્યુલર આઈ
ચેકઅપથી સ્થિતિમાં સુધારો થાય છે.

Beauty Tips to be Beautiful - સેલ્ફ બ્યૂટીફિકેશન

૩૦ વર્ષની ઉંમર પછી ચહેરા પર નિયમિત ફેસિયલ કરવું જરુરી છે.તે પછી માસ્ક લગાવવાથી છિદ્રો સંકોચાઈ ત્વચા ટાઈટ થાય છે.

સાદર્યની ઝંખના પ્રત્યેક વ્યકિતને થતી હોય છે. પરંતુ તે જયારે જન્મજાત ના હોય ત્યારે મેળવવા માટે પ્રયત્ન કરવો પડે!

બ્યુટી પાર્લર સાદર્ય મંદિરો ગણાય છે. પરંતુ જે લોકો માટે પાર્લરના પગથિયા ચડવાનું મુશ્કેલ હોય તેમણે સુંદરતાનો આનંદ ના લેવો એવું નથી.

જાતે સુંદર થવાની પ્રક્રિયા જરાક લાંબી લાગે છતાં તેના પરિણામો નિશ્ચિત છે. લાંબો સમય ચાલનારા છે. કુદરતના દરબારમાં અખૂટ પ્રસાધનો રહેલા છે.

માત્ર તેની માહિતીના અભાવે આપણે તેથી અળગા છીએ.

વાળ :- વાળની સંભાળ માટે વાળમાં મસાજ જરુરી છે. આંગળીના ટેરવાથી ગરમ તેલના મસાજથી બ્લડ સરકયુલેશન સારી રીતે વાળના મૂળ સુધી પહોંચે છે.

મેથીને રાત્રે પલાળી બીજા દિવસે વાટીને પેસ્ટ કરો તેમાં સહેજ પાણી નાખો. ચણાનો લોટ નાખી તેનાથી વાળ ધોવાથી વાળને સાબુની જરુર નથી પડતી.

જો વાળમાં ખોડો થયો હોય તો ચોખાનું ઓસામણ નાખવાથી ખોડામાં રાહત જોવા મળે છે. જો અકાળે વાળ સફેદ થતાં હોય તો આંબળાને છ કલાક પલાળી, વાટી નાખો, તેમાં મહદીના પાન પણ વાટો.

વાળના મૂળમાં આ પેસ્ટ લગાવો. અડધા કલાક પછી ધૂઓ.વાળ ખરતા પણ અટકશે.

ત્વચા : સ્વચ્છતા ત્વચાની પ્રાણ છે.જે ત્વચા અંદરથી કે બહારથી સ્વચ્છ નથી તે સુંદર પણ નથી. જે લોકો માનસિક પરિતાપ કરે છે.તેમની ત્વચા અંદરથી ખરાબ થાય છે.

ટામેટાનો માવો માસ્ક તરીકે લગાવવાથી ચહેરા પર ક્રાંતિ જણાય છે.રાત્રે સૂતી વખતે મસાજ જરુરી છે. ખીલ થતા હોય તો દહ ને હળદર ભેગા કરી ચહેરા પર લગાવો. અડધા કલાક પછી ધોઈ નાખો. ફુદીનાની પેસ્ટ પણ ખીલ પર ફાયદો કરે છે.

જો ડ્રાય સ્કીન હોય તો ચણાનો લોટ, મધ, ગાજરનો રસ, સુખડનો પાવડરનો માસ્ક લગાવવાથી ફાયદો થાય છે. ત્વચાને ડાઘરહિત કરવા માટે દહમાં ચણાનો લોટ, હળદર, લબુનો રસ ભેગા કરી લગાવવાથી ડાઘ નીકળી જાય છે.

આંખ : આંખની સ્વચ્છતા, નિરોગી અને દેખાવમાં પણ આકર્ષક લાગવી જોઈએ. આંખની પાંપણ,આઈબ્રોઝને સરખી કરવાથી વ્યકિતત્વ બદલી શકાય છે. પણ આંખોને પ્રસાધન કરતાં માવજતની જરુર વધુ હોય છે. આંખ નીચે કુંડાળા હોય તો ખૂબ શાક, ફળ, ગાજર, ગાજર રસ લેવાથી ફાયદો થાય છે.

આંખોને રિલેકસ રાખવી જરુરી છે. આંખો થાકેલી હોય તો ટીબેગ્સને ઓઈલના પાણીમાં બોળી આંખ પર મૂકો.

હોઠ : લિપસ્ટિક હોઠના કુદરતી રંગને નુકશાન કરે છે.જરુર ના હોય ત્યારે લિપસ્ટિક ના લગાવો. તેના રંગો મુડ, વસ્ત્રો ને બીજા રંગો સાથે મેચ કરી લો.

દાંત : દાંતની સફાઈ જરુરી છે. જે આપણે બહુ ધ્યાનથી કરતા ન.અમુક ખાટા ફળો પણ દાંત માટે જરુરી છે.પોશ્ચર સારી દેહછટા સુંદર વ્યકિતત્વની પ્રથમ શરત છે. પ્રયત્નથી ને સભાન રહેવાથી સારું પોશ્ચર બનાવી શકાય છે. બેસતા ઉઠતા ચાલતા ટટ્ટાર પોશ્ચર હિતાવહ છે.

ઊંડા શ્વાસ લેવાથી ફાયદો થાય છે. ઉભા રહેતી વખતે બંને પગ પર સરખું વજન આપો. ખુરશીમાં બેસતી વખતે ધ્યાન રાખો કે તમારી પીઠ ખુરશીની પીઠ સાથે બરાબર એડજસ્ટ થાય. ખુરશીની ને તમારી પીઠ વચ્ચે જગ્યા ના રહે. તેનાથી કમરનો દુઃખાવો થવાની શકયતા વધી જાય છે. આ રીતે ઊપર મુજબની બાબતો ધ્યાનમાં રાખવાથી તમારા વ્યકિતત્વમાં નવો નિખાર આવી શકે છે!

Gujarat Summer Weather - ગરમીને લીધેચકકરઅને લો બીપીની શકયતા

શહેરના અનેક વિસ્તારોમાં પ્રદુષિત પાણીને કારણે કમળાના કેસો વધ્યા અને તંત્રએ આંખ આડા કાન કર્યા ગરમીનો પારો સતત વધતો રહ્યો છે ત્યારે આ શરીર દઝાડતી ગરમીને કારણે લોકો ગરમીથી બચવાના અનેક ઊપાયો કરે છે.

પરંતુ ગરમીની આ સિઝનમાં લોકાને બીમારીનો ભોગ બનતા વાર લાગતી નથી અને તેથી જ આજે શહેરના જુદાજુદા વિસ્તારોમાં અલગ અલગ કારણોસર બીમારીના કેસો દવાખામાં આવતા જોવા મળે છે.

ઊનાળાની શરૂઆત થતાની સાથે જ ઠેર ઠેર પીવાના પાણીની સમસ્યા અને તેના કારણે ફેલાતા રોગચાળાએ ઘર કર્યુ છે.

અમદાવાદીઓ આમતો ખાણીપીણીના શોખીન છે જ પણ ગરમીની આ સિઝનમાં બહારની ખાણીપીણી નુકસાન કરે છે વિગતે જણાવતા ડો. સૌમિલભાઈ કહે છે, હાલના સમયમાં મોટાભાગે કમળો, ઝાડા-ઊલ્ટી, ટાઈફોઈડ અને તાવ ના કેસો વધી રહ્યા છે.

ત્યારે છેલ્લા પંદર દિવસની વાત કરીએ તો શહેરમાં ૧૭૦ કેસો નાધાયા છે, અને અઢી માસમાં ૬૬૫ કેસ નાધાયા છે. ઝાડા-ઊલ્ટીના ૧૮ કેસ, ટાઈફોઈડના ૮૦ કેસ, તો કમળાના કેસો દિવસેને દિવસે વધી રહ્યા છે.

આ બીમારી થવાના અનેક કારણો છે કેમકે હાલ બે ઋતુ ચાલી રહી છે વહેલીસવારે ઠંડીનો માહોલ તો બપોર થતા જ દઝાડતી ગરમી. આવા સમયે માથું ભારે થવુ, ચકકર આવવા તેમજ લો બીપી થવાની શકયતા વધી જાય છે, અને એમાંય બિઝનેસ કરતા વ્યકિતઓને તો આખો દિવસ બહાર રહેવાનું હોવાથી પોતાની હેલ્થ પ્રત્યે વધારે ધ્યાન આપવું જોઈએ.

સામાન્ય રીતે બીમારી થવા માટે વાતાવરણની સાથે સાથે ખાણીપીણી પણ મહત્વનો ભાગ ભજવે છે કેમકે ગરમીની સિઝનમાં બહરાનો નાસ્તો કરતા લોકો એ નથી જોતા કે ગરમ વાતાવરણમાંરહેતા શાકભાજી કે ગરમ વસ્તુઓનો મસાલો ગરમીના વાતાવરણમાં આવતા વધારે ગરમ થઈ જાય છે.

જે લોકો આવો બહારનો નાસ્તો ખાય છે તેમને ટાઈફોઈડ કે ઝાડા-ઊલ્ટી થવાની પુરી સંભાવના રહેલી છે.

Healthy Body Tips - પ્રોટીન ડાયેટથી શરીરને પૂરતું પોષણ નથી મળતું

શરીરને પૂરતા પોષકતત્વો મળી રહે તે માટે દરેક પ્રકારનો આહાર લેવો જરુરી છે. પરંતુ આજકાલ તો રેગ્યુલર જીમ અને પ્રોટીન ડાયેટ એ ફિટનેસ માટેની નવી ફોર્મ્યુલા બની ગઈ છે.
સ્લીમ ફિગર ઈચ્છુક યુવતીઓમાં આનો ક્રેઝ સૌથી વધુ જોવા મળે છે.આજ કારણ છે કે તેમનામાં હાડકાની નબળાઈ,પગ ને કમરમાં દુઃખાવો જેવી ફરિયાદો જોવા મળે છે. વારંવાર વાઈરલ રોગની અસર પણ જોવા મળે છે.

નિષ્ણાંતોનું કહેવું છે કે શરીરને દરેક જરુરિયાતને પૂરી કરવામાં પ્રોટીન સક્ષમ નથી. જો કે આ બાબત સાથે કેટલાક તબીબો સહમત નથી. તબીબોનું કહેવું છે કે હાલના દિવસોમાં એવા ઘણા મામલા જોવા મળી રહ્યા
છે કે જેમાં હળવી ઈજાને લીધે પણ હાડકા તૂટી જાય છે. અથવા દરેક સમયે કમજોરીનો ખૂબ અનુભવ થાય છે. તબીબોના માનવા પ્રમાણે ઓછા સમયમાં ઈચ્છિત ફિગર ના મળી શકવાને કારણે આધુનિક સમયમાં યુવતીઓ કલાકો સુધી જીમમાં ધ્યાન આપે છે. સાથે સાથે તે પોતાનો ડાયેટ પણ ઓછો કરી નાખે છે.

કેટલીક યુવતીઓ માત્ર પ્રોટીન ડાયેટ લેવાનું શરુ કરે છે. કારણ કે તેમને એવી શંકા હોય છે કે પ્રોટીન ડાયેટ શરીરની તમામ જરુરિયાતો પૂરી કરે છે. આનાથી ફેટ જમા ના હોવાના કારણે ચહેરામાં તાજગી આવે છે પરંતુ
આ પ્રકારની માન્યતા પણ સંપૂર્ણ પણે સાચી નથી.

સ્વસ્થ રહેવા માટે પ્રોટીનની સાથે વિટામિન્સ, આયર્ન, કેલ્શિયમ જેવા તમામ ઘટકોની જરુર પડે છે. લાંબા સમય સુધી ખાવાપીવાની મોટાભાગની ચીજોથી દૂર રહેવાની ટેવથી શરીરમાં આ તત્વોની અછત થઈ જાય છે. જેના પરિણામ સ્વરુપે સ્કીનથી લઈને હાડકાઓ ઊપર તેની અસર થાય છે.

નોંધનીય છે કે વધારે વર્કઆઊટ કરનારા લોકોને સામાન્ય લોકોની સરખામણીમાં વધારે કેલરીની જરુર પડે છે. પૌષ્ટિક તત્વોની કમીથી શરીરમાંથી રોગપ્રતિકારક તત્વો ઘટી જાય છે. જેથી સ્નાયુ ને હાડકાંઓમાં પીડા
થાય છે તેમજ વાંરવાર વાઈરલ અથવા તો બેકટેરિયલ ઈન્ફેકશન થાય છે.

તબીબોના જણાવ્યા પ્રમાણે પૌષ્ટિક ભોજન ન મળવાથી અથવા તો ખોટી રીતે જીમમાં વધારે સમય ગાળવાથી યુવકોમાં હાડકાં ગળી જાય છે અને બોન ટીબી થવાની પણ શકયતાઓ રહે છે.

Yoga Health Benefits - ચરબીના થરના નિયંત્રણ માટે

વજન અને ચરબીના થર સુંદરતામાં તો બાધક બને છે પરંતુ સાથે સાથે સ્વાસ્થ્ય માટે પણ વધારે જવન એ ઇચ્છનીય પરિસ્થિતિ નથી માટે તમે વજનને નિયંત્રણમાં રાખવા માગતા હો અને ફીટ રહેવા માગતા હો તો કેટલાંક યોગાસનની મદદથી એ કરી શકો છો.

યોગથી વજન નિયંત્રણમાં આવે છે પરંતુ ધીરે ધીરે અત્યારની ઝડપી જીવનશૈલીમાં તમે ગણતરીનાં યોગાસન કરીને ફિટનેસ પણ સાચવી શકો અને સ્વસ્થ્ય પણ રહી શકો છો. જિમમાં જવાથી વજન ઝડપથી ઘટશે પણ યોગાસનો કરવાનો ફાયદો એ રહેશે કે વજન તો ઘટે જ છે. સાથે સાથે માનસિક શાંતિ અને હકારાત્મક ઊર્જા પણ મળે છે.એટલે આપણે સમગ્ર દિવસ દરમિયાન પોતાની જાતને એકદમ ફીટ અનુભવીએ છીએ. મર્હિષ પતંજલિએ લગભગ ત્રણ હજાર વર્ષ પહ્લાં યોગવિદ્ય હેઠળ એવાં યોગાસનોની માહિતી આપી હતી જે આપણા શરીરને ખૂબ જ ચુસ્તીર્સ્ફૂતભર્યું રાખવામાં મદદરૂપ થતી હતી તેમાંનો જ એક છે અષ્ટાંગ યોગ. અષ્ટાંગ યોગમાં શ્વાસ લેવાની યોગ્ય પદ્ધતિ તથા આસનનો સુમેળ છે. યોગ્ય રીતે શ્વાસ લઇને આસન કરવાથી શરીર તથા મગજમાંથી ટોકિસન એટલે કે ઝેરી પદાર્થો દૂર થઇ જાય છે. અને શરીર એકદમ ફીટ રહે છે.

અષ્ટાંગ યોગ મગજ તથા શરીર માટે એક સંપૂર્ણ વર્કઆઊટ છે. પરંતુ તેને યોગ નિષ્ણાતની દેખરેખ હેઠળ કરવા વધારે ઇચ્છનીય છે. જે રીતે જિમમાં શરીરને કન્ડિશનના આધારે જ વર્કઆઊટ તથા હેવી કસરત કરાવવામાં આવે છે.

તે જ રીતે યોગમાં પણ એ બાબતનો ખ્યાલ રાખવો કે શરીર તથા પ્રકૃતિને માફક આવે તે રીતનાં જ આસન કરવાં આડેધડ કોઇ પણ યોગાસન કરવાં.આ આસનો ક્રમાનુસાર જ થવાં જોઇએ.તમે આ આસનો અલગથી પણ કરી શકો છો અથવા તો તમારા રોજના વર્કઆઊટ પછી તેનો સમાવેશ કરી શકો.

સર્વાગાસન, હલાસન, શીર્ષાસન અને બદ્ધ પદ્માસન લોહીના ભ્રમણને સુધારીને નર્વસ સિસ્ટમને મજબૂતી આપે છે.

જયારે શવાસન શરીર તથા મગજને પૂરતો આરામ આપે છે.

સર્વાંગાસનઃ જમીન પર સીધા સૂઇ જાવ અને પાંચ વાર ધીમે ધીમે શ્વાસ લેતા જાવ અને છોડતા જાવ. પછી છેલ્લી વાર શ્વાસ છોડતી વખતે બંને હાથથી બે બાજુથી કમરનો ભાગ પકડો. ધીરે ધીરે પગને એટલા ઊપર લઇ જાવ કે ફકત તમારા ખભાનો ભાગ જ જમીનને અડકેલો રહે, કમર તથા પીઠનો હીસ્સો શકય તેટલો
ઉંચકાયેલો રહે તેવા પ્રયત્ન કરો. આ સ્થિતિમાં પાંચ વાર શ્વાસ લો અને છોડો. પછી શ્વાસ લેતા લેતા સામાન્ય પરિસ્થિતિમાં આવી જાવ.

 હલાસનઃ સર્વાંગાસન બાદ હલાસન કરી શકો છો. સામાન્ય પરિસ્થિતિમાં આવ્યા બાદ શ્વાસ છોડતાં છોડતાં પગને ઉંચા કરો. હાથનો કોણી સુધીનો ભાગ જમીનને અડવો જોઇએ. પછી બંને હાથથી બંને બાજુની કમરને પકડો અને પગને ધીરે ધીરે એવી રીતે વાળો કે તમારા ઘૂંટણ તમારા માથાને અડકી જાય. આ જ
સ્થિતિમાં પાં, વાર શ્વાસ લો અને છોડો પછી શ્વાસ લેતા લેતા સામાન્ય પરિસ્થિતિમાં આવી જાવ.